Nagasalig si Bacolod City Lone District Congressman Albee Benitez sa kredibilidad ni newly appointed Department of Public Works and Highways (DPWH) Vince Dizon ilabi na sa pagbalik sang salig sang publiko sa ahensya.
Sa statement nga ginpagwa ni Cong Albee, ginpahayag sini nga maayo ang track record ni Dizon sang ginpamunuan sini ang Department of Transportation (DoTr).
Nagapati ini nga sa pagpamuno ni Dizon sa DPWH tal-os kay anay Secretary Manuel Bonoan, sarang niya mabalik ang integridad, transparency kag efficiency sa isa sa mga kritikal nga ahensya sang pungsod.
Paathag pa sini nga sa ila pagduso sadto kay Bonoan nga magpanaog na sa pwesto, nangin welcome development ini para kay Presidente Ferdinand Marcos Jr. agud tinluan ang DPWH kag kakson ang ano man nga isyu sang kurapsyon.
Sa madumduman, isa si Benitez sa mga nagpanawagan nga mag-resign na sa pwesto si Bonoan kasunod sang anomaliya sa flood control projects.