Ginbawian sang kabuhi ang isa ka lalaki matapos nga nakaangkon sang mga pilas sa iya lawas bangud sa pagkabuno pasado alas-7 sang gab-i sang Agosto 31, 2025 sa Sitio Maantok, Barangay Calamba sa ciudad sang Guihulngan, Negros Oriental.
Ginkilala ang biktima kay Ceciclio Dingcong, 36-anyos kag residente sang Barangay Tacpao sang nasambit nga ciudad samtang, ang 65-anyos nga si Pableo Cabasis naman ang ginatudlo nga suspek.
Suno sa Guihulngan City Police Station, yara sa impluwensya sang makahulubog nga ilimnon ang biktima kag suspek.
Personal naman nga hiligut-anon ang gintan-aw nga rason sang kapulisan sa krimen.
Boluntaryo nga nagsungka ang suspek sa katapo sang Guihulngan CPS kag ini ang magapangatubang sang kaso nga murder.