Ginklaro ni Dr. Ma. Victoria Violanda, Director sang Office for Student Affairs and Services (OSAS) sang Carlos Hilado Memorial State University (CHMSU) nga wala sang foul play ang pagtaliwan sang estudyante sa sulod sang campus kag wala man ini makadanlog kahapon nga adlaw, Setyembre 2, 2025.
Suno sa The Technopacer -Talisay, ang official school publication sang unibersidad, ang estudyante amo si Jeralyn Latoza nga yara na sa ikaduha sini ka tuig nga pagtuon sa kurso nga Bachelor of Arts in Social Sciences.
Ginpahayag naman ni Violanda nga base sa kuha sang cctv sa unibersidad, nakit-an nga nagalakat ang estudyante padulong sa ikap-at nga panalgan sang Library, Science, and Academic Building (LSAB) sang hinali lang ini nag-untat, nangapyot, kag natumba.
Ginrespondehan man ini sang nars sang unibersidad kag nadala pa sa Riverside Hospital apang gindeklarar nga dead on arrival.
Sa karon, ginpaidalom na sa medical examination ang lawas sang estudyante agud matumod ang rason sang iya kamatayon.
[Photos from The Technopacer-Talisay/Facebook]