Nagapati ang isa ka Purok President sa Barangay Bata nga may naubra man nga indi maayo ang isa ka 17-anyos nga lalaki nga ginaalegar may problema sa paminsaron rason nga nakastiguhan ini sang apat ka mga pamatan-on.
Sa madumduman, una na nga nagreklamo ang iloy sang biktima sa diin ginpahayag sini nga ginlampusan sang tubo kag ginpulihan sang apat ka mga lalaki ang iya anak.
Nahibaluan nga tatlo sa ini nga mga kabataan ang mga ini menor de edad man kag ang isa ang naga-edad 20 anyos.
Suno sa purok president, antis pa man matabo ang kinagamo, nakita na sang kadam-an ang pagka iritable sang 17-anyos nga biktima nga kun kaisa ginaalegar nagadala pa kutsilyo.
Dugang pa sini nga indi man kun kaisa mapunggan ang mga kabataan bangud magasunluganay kag dugsinganay man ang mga ini.
Sa matandaan, gintagaan na sang barangay sang certificate to file action ang iloy sang biktima bangud desidido gid ini magpasaka kaso.
Panindugan pa ni Purok President nga indi man kun kaisa masarangan saway sang ginikinan ang ila anak.