Nagakinahanglan pa sang nagabalor ₱61 billion agud malab-ot ang 100 percent nga electrification sa Pilipinas suno sa National Electrification Administration (NEA). Ini agud matuman ang ginatuyo ni President Bongbong Marcos nga ma-electrify ang tanan nga mga komunidad sa bug-os nga pungsod sa tuig 2028. Ginpahayag ni NEA Administrator Antonio Mariano Almeda nga committed ang ahensya sa pagpatuman sang mandato ni PBBM sa pagtrabaho paagi sa 121 ka mga electric cooperatives. Dugang pa ni Almeda, ginaduso kag nagatrabaho ang ahensya sa kun ano man ang ginahatag kag committed man sa paghatag sang 100% nga electrification.
