Nagahatag sang dako nga pondo sa mga programa sang gobyerno ang mga online gaming sini nga tuig samtang ang mga illegal sites naman ang nagahatag sang risgo suno sa Philippine Amusement and Gaming Corporation (PAGCOR). Sa statement nga ginpagwa sang PAGCOR, ginpahayag nga nag-submit ini sang report sa House Committee on Games and Amusement nga nagasiling nakakuha ang online gaming sector sang ₱69 billion license fees halin Enero tubtob Hulyo sini nga tuig. Sa nasambit nga balor, ₱41 billion ang gikan sa electric games ukon e-games kag ₱28 billion naman sa iban nga onlime gaming offering. Suno kay PAGCOR Chairman and Chief Executive Officer Alejandro Tengco, nangin importante nga source of fund ang online gaming. Samtang, nagpaandam naman si Tengco sa nagadako nga pamahog sang mga ilegal nga online operators nga nagaganyat sa mga players sa tanan nga edad. Nagpasalig naman si Tengco sang hugot nga pagpatuman batok sa ilegal nga online gaming platforms.
