Ginbawian sang kabuhi ang 11-anyos nga bata nga lalaki matapos nga naigo sang kilat alas-12:50 sang hapon sa Barangay Tinampa-an, Cadiz City sang Sabado, Setyembre 6, 2025.
Suno sa Cadiz Component City Police Station (CCPS), gin-report mismo sang iloy sang bata nga aksidente ini nga naigo sang kilat samtang nagahampang sa idalom sa puno sang santol sa likod sang ila balay.
Gindala pa ang biktima sa Cadiz City Emergency Clinic apang ini ang gindeklarar nga dead on arrival bangud sa mga pilas nga iya naagom.