Nadakpan na ang duha ka mga akusado nga may kaangtanan sa pagpatay kay retired PCOL Rolen Balquin nga anay Chief sang Public Safety Office kag fomer Chief of Police Cotabato Police Office.
Ini ang pinaagi sa operasyon sang PNP Anti-Kidnapping Group, Mindanao Field Unit, Cotabato Satelite Office kagab-i, Setyembre 8 sa Macapal Verona Fort, Surigao City.
Bitbit sang mga operatiba ang arrest warrant batok sa mga akusado sanday Salem Edu kag Berting Abdullah bangud sa kaso nga murder kag frustrated murder nga ginpagwa sang RTC, 12th Judicial Region, Branch 13, Cotabato City Maguindanao nga napetsahan June 23, 2022.
Madumduduman nga nagtaliwan si Balquin matapos ginpa-arakan luthang sa iya salakyan sa Sinsuat Avenue, Mother Brgy. Rosary Heights, Cotabato City sadtong Marso 19, 2022.
| Via DXMY, RMN Cotabato