Magapadayon ang mga proyekto sa flood control apang wala na sang pondo nga igaalokar para sa ini sa tuig 2026 suno kay President Ferdinand “Bongbong” Marcos Jr.
Ginpahayag ni PBBM sa BBM podcast nga ang tanan nga flood control project nga para sa 2026 nga budget ang makit-an na kag nagapati ini nga indi kinahanglan sang bag-o nga pondo.
Ini bangud nga may yara pa sang ₱350 billion pesos nga pondo sa 2025 nga wala pa naubos ukon wala pa nagamit.
Dugang pa sini, iga-resend sang Department of Budget and Management (DBM) kag Department of Public Works and Highways (DPWH) sa kongreso ang na-revise nga project proposal para 2026.
Nagpasalig man si PBBM nga mas mangin strikto ang pagpaobra sa mga flood control projects nga kun diin pagasiguraduhon ang tsakto nga paggastos, pag-implementar, kag design.