Ginlunsar na sang Camera Club of Negros Launches ang MassKara Photo Contest 2025.
Gindesinyo ang ini nga contest para ipakita ang madamo nga nawong sang Masskara paagi sa tatlo ka mga categories nga ginalakipan sang highlights, street dance, sectoral events kag street stories.
Sa highlights category iga-feature ang Electric Masskara, Arena Dance kag Street Dance competitions.
Iga-feature naman sa Sectoral events category ang activities para sa mga PWDs, senior citizens kag iban pa nga mga grupo samtang mga candid kag creative captures sang mga Bacolodnon kag mga bisita.
May registration fee nga ₱800 sa diin ang mga participants ang makabaton sang Exclusive MassKara Photographer’s Kit kag official All-Access Pass sa festival grounds kag events.
Imbitado sa contest ang mga professional photographers, local hobbyists, students, kag mga enthusiasts. Sarang gamiton sa contest ang DSLR, mirrorless, film camera, ukon mobile phones.
Ang mga winning entries ang iga-exhibit sa Bacolod MassKara Museum.
Sa Highlights ang 1st place makabaton sang P20,000, samtang ₱15,000 para sa 2nd place kag ₱10,000 naman sa 3rd placer.
Sa Sectoral Events, ₱15,000 ang mabaton sang 1st place, ₱10,000 sa 2nd place kag ₱5,000 naman sa 3rd placer.
Sa Street Stories, P15,000 ang mabaton sang 1st place, ₱10,000 sa 2nd place kag ₱5,000 naman sa 3rd placer.
Sa Setyembre 15, buksan sang Camera Club of Negros ang special exhibition nga “Hinumdum: MassKara Through the Years” sa SM Bacolod.
Para sa kompleto nga detalye sang contest magbisita sa official Facebook page sang Camera Club of Negros.