Arestado ang most wanted person sa kaso nga murder sa Barangay Manipis, ciudad sang Tanjay, probinsya sang Negros Oriental alas-4:52 sang hapon, Setyembre 8, 2025.
Ang suspek ang No. 7 sa Regional, No. 4 sa Provincial, kag No. 2 sa City Level sa amo nga kaso sa nasambit nga probinsya.
Ini ang naaresto pinaagi sa ginserbe nga warrant of arrest nga gin-issue ni Hon. Christine Tabasuares-Aba, Presiding Judge sang bRegional Trial Court, 7th Judicial Region nga wala sang ginrekomendar nga piyansa.
Ang suspek amo ang akusado sa pag-utas sa kabuhi sang iya mismo hinablos sang tinalikdan nga Marso 25, 2025 sa Barangay Novallas sa nasambit nga ciudad.
Sa karon, yara na ini sa kustodiya sang Tanjay City Police Station para sa nakaigo nga disposisyon.
