Magapungko na bilang Officer In Charge si Police Colonel Dennis Wenceslao sa Negros Occidental Police Provincial Office (NOCPPO) tal-os kay PCol. Rainerio de Chavez, sumugod subong nga adlaw, Setyembre 9.
Sa ginpatigayon nga Turnover of Command Ceremony sa NOCPPO ini ang ginpangunahan ni PCol. Dennis Esguerra, Deputy Regional Director for Administration sang Police Regional Office- Negros Island Region nga nangin tiglawas ni Regional Director Police Brigadier General Arnold Thomas Ibay; yara man sa amo nga seremonya si Provincial Governor Eugenio Lacson.
Sa pagpungko ni PCol. Wenceslao bilang OIC sang NOCCPO, ang mangin basehan sini sa pagpamuno amo ang 7 point agenda ni PNP Acting Chief Police Lieutenant General Jose Melencio Nartatez Jr.
Natalana naman nga magapamati si Wenceslao sa mga presentasyon sang kada hepe sa probinsya antes maghatag sang guidelines.
Nahibaluan ang OIC ang una nga nagserbe sa Mobile Action Focce, Region 10, Region 3, kag Area Police Command.
Dako naman ang nangin pagpasalamat ni Wenceslao kay Gov. Lacson bangod siya ang napilian nga magapamuno sa NOCPPO.