Bukas ang Sangguniang Panlalawigan sang Negros Occidental sa mga suhestyon sang mga nagapamatok sa Proposed GMO Regulatory Ordinance.
Ginpahayag ni Third District Board Member Andrew Montelibano, chairman sang Committee on Agriculture kag Committee on Environment, nga matapos ang public hearing sa SP session hall kahapon, iya ginhatagan sang isa ka semana ang mga nagapamalabag sa hagna agud ipalayag ang ila mga suhestyon.
Bukas man si Montelibano sa pagligwat sang kaundan sang proposed ordinance kun kinahanglanon.
“If there’s something we need to rephrase sa aton ordinansiya, willing gid kami sina kayo, wala gid ina problema”, pasiguro ni BM Montelibano.
Ginpabutyag ni BM Montelibano nga tunga ang panindugan sang mga mangunguma – iban ang nagapabor sa organic samtang may iban nga indi pabor diri – kag ang papel sang gobyerno amo nga serbisyuhan ang magtimbang nga partido.