Mahimo indikasyon sang paglupok ukon iban pa nga volcanic hazards ang nagluntad nga weak ash emission sang Bulkan Kanlaon, Lunes, Setyembre 8 sang hapon.
Ini ang ginpahayag ni Ptolemy Maniego, science research assistant sang PHIVOLCS Kanlaon Volcano Observatory sa La Carlota City, kasunod sang liwat nga pagbuga sang abo sang bulkan kahapon.
Magluwas sang mabaskog nga paglupok, ang nagluntad nga ash emission ang mahimo man nga indikasyon sang pyroclastic density currents (PDC) kag tremors ukon pagtay-og sang bulkan.
“Pwede siya mangin indication man pero ang PHIVOLCS gabantay man 24 hours. . .indication nga may ara worst case scenario like eruption and other mga volcanic hazards like PDZ, mga vlcanic tremors”, pahayag ni Maniego.
Wala naman sang may gin-report nga pagluntad sang ash fall bangud nagtaas lamang sang 75 meters ang ginbuga nga abo kag wala man sang seismic activity.