Isa ka lalaki sa China ang ginrisgo nga magkalahukas ang tanan niya nga mga unto bangud sa pag-ubra sini sang pustiso gamit ang special resin nga iya nagbakal online agud nga makatipid sang kwarta sa pihak sang kamahal sang dental procedures.
Si Ms. Liu, ang nagapanag-iya sang dental clinic sa Tianjin, kag nag-post sang makakilibot nga mga litrato sang isa ka tigulang nga pasyente nga nagpadulong sa iya clinic. Pareho nga ngipon sini sa babaw kag dalom ang napuno sang matig-a kag brown nga substance.
Suno sa report, nabudlayan na siya magkaon bangod nagakadunot na ang iya mga ngipon, gani nagdesisyon siya nga kinahanglan na niya sang artificial dentures.
Apang, indi siya luyag maggasto sang daku, kag kabalo siya nga mahal ang dental work, gani ginpili niya nga siya na lang ang maghimo sang iya kaugalingon nga pustiso gamit ang mga materyales nga ginbakal niya online.
Sa kasubo, naguba niya gid ang iya mga ngipon kag wala na siya sang iban nga mahimo kundi ang pagpangita sang bulig halin sa propesyonal. Subong, wala pa gid sang isa nga dentista nga luyag magkuha sang iya ginbutang nga Do-it-yourself (DIY) dentures.
Biskan nami pamatian ang 5 yuan nga balor sang pustiso, ginpahayag ni Liu nga ang iya pustiso nga DIY amo ang nangin katalagman kag subong, posible na siya nga makaksan sang tanan niya nga ngipon — kun may makakita lang nga dentista nga isog magbulig sa iya.
Gin-gamit ni Liu ang ini nga hitabo bilang warning sa publiko, nga dapat magpakonsulta gid sa mga eksperto kag indi magmato-mato nga sila lang ang mag-kayo sang ila ngipon.