Nagpadala sang team ang Philippine Institute of Volcanology and Seismology (PHIVOLCS) agud magpatigayon sang survey kag tsyekyaron kun may nagluntad nga ashfall sa banwa sang Murcia kag Don Salvador Benedicto.
Ini ang ginpahayag ni Ptolemy Mañego, Science Research Assistant PHIVOLCS Kanlaon Volcano Observatory La Carlota City matapos liwat nga na-monitor ang ash emission pasado alas-5:10 tubtob alas-5:30 kaina sang kaagahon, Setyembre 10.
Suno kay Mañego, yara sa 600 meters ang kataason sang plume nga naggwa sa baba bulkan kag ini ang nagpadulong sa northwest nga direksyon nga amo ang banwa sang Murcia kag Don Salvador Benedicto.
Pahayag sini, wala sila sang may nabaton nga report nga nangin apektado sang ashfall matapos ang pagbuga bulkan.
Madumduman, una na ginpahayag ni Phivolcs Director Teresito Bacolcol nga hugot sa gihapon nga ginadumilian sang otoridad ang pagsulod sang mga tawo sa 4 km permanent danger zone.
Samtang nagapabilin naamn nga yara sa alert level 2 ang Bulkan Kanlaon.
[Photo from PHIVOLCS]