Typhoid Fever sa Bacolod nagsaka sa 23 point 6 percent
Nagsaka sa 23.6 percent ang kaso sang Typhoid Fever sa ciudad sang Bacolod humalin Enero tubtob Agosto 30, 2025 base sa pinakaulihi nga datos nga ginpagwa sang City Health Office (CHO).
Ini kumparar sang 2024 sa pareho nga period nga kun diin may yara lamang sang 55 ka kaso ang na-record sang CHO sa amo nga sakit apang isa sa mga ini ang nagtaliwan.
Sa subong, yara sa 68 ang kaso sang nasambit nga sakit kag wala sang na-record nga probable death.
Ang typhoid fever ukon “tipus” isa ka balatian nga makuha sang isa ka tawo paagi sa pag-inom ikon pagkaon sang kalan-on nga kontaminado sang higko sang tawo nga may dala kagaw ukon bacteria nga Salmonella typhi.
[Photo from Web]