Hugot na nga ginapatuman sang Bago Component City Police Station ang pila ka mga pagsulundan sa dalanon.
Kabahin diri amo ang pagpanakop sa mga motorista nga wala sang plate number kag travel policy. Subong man ang pagdumili sa pagbiyahe sang mga wala naka-helmet.
Paathag sang PNP nga bisan layo man ukon lapit ang kadtuan, nagakadapat lang nga magsuk-sok sang helmet ang sin-o man nga naga-motor.
Indi man dapat magbiyahe ang mga wala OR/CR kag driver’s license.
Dugang pa, bawal man ang magahod nga tambutso ukon open pipe/ mufflers.
Suno sa Bago PNP, magapanabat sa layi ang mga indi magsunod diri. Ila man ginapanugyan nga tani magkooperar ang tanan para sa seguridad sang tanan nga mga motorista.
| via Bago CCPS