Indi na madumduman kag matandaan ni Former President Rodrigo Roa Duterte ang mga hitabo, lugar, petsa kag mismo miembro sang iya pamilya.
Ini ang ginpahayag ni Nicholas Kaufman nga nagapanguna sa defense team ni Duterte kag ini man ang rasun nga ginhinyo sang kampo sang anay president sa International Criminal Court (ICC) nga gin-postpone na sang ICC.
Base sa public redacted version sang “Defence Request for an Indefinite Adjournment” nga ginpagwa sang ICC sini nga adlaw, ginpahayag ni Kaufman nga wala sang nagakaigo nga ikasarang si Duterte sa bahin sang iya panumduman para mapatigayon ang ila depensa.
“In fact, he is not even able to process the reasons for his detention,” pahayag ni Kaufman.
Madumduman nga tinalikdan nga Lunes, Setyembre 8, gin-anunsyar sang International Criminal Court nga ginpostpone ang natalana kuntani nga confirmation of charges hearing sa Setyembre 23, 2025.
Dugang pa sini, “With his impaired memory and concomitant inability to retain new information or to recall events, places, timing or even members of his close family and defence team, Mr Duterte is unable to fully understand the nature and implications of the proceedings conducted against him.”
“His deficient memory also entails an inability to follow the litigation and to make informed decisions. Consequently, and crucially, Mr Duterte is unable to contribute to his own defence, rendering his participation in the proceedings totally ineffective.”