Natalana nga patigayunon sa madasun nga Huwebes, Setyembre 18 ang ika-apat nga Hearing sa Senado may angut sa mga anomaliya sa mga flood control projects.
Ini ang ginpahayag ni Senate Blue Ribbon Committee Chairman Ping Lacson.
Pahayag sini, ginpili ang adlaw sang Huwebes agud mas malawig ang mahatag nga oras sa hearing kag indi mabitin bangud sa mga nagliligad, kinahanglan ini tapuson antis mag-alas-3 sang hapon para sa pagpatigayon sang sesyon.
Suno kay Lacson, kinahanglan magpangita anay sang ebidensya kag klaro nga iya ginakabig bilang ‘resibo’ antis magpatawag kag ang indi lamang magrely sa mga statement bangud suno kay Lacson, bisan sin-o ang sarang lang nga makapasibangud.