Ginransak ang Deaf Livelihood Kiosk nga nahamtang sa Bacolod City Public Plaza alas-2 sang kaagahon, Setyembre 11, 2025.
Ang mga suspek amo ang mga nagatulog sa plaza nga ginapahalin man sang kapulisan apang nagabalik sagihapon kag ini ang mga ginkilala kay alyas “Federito” kag alyas “Janjan Alog”.
Suno kay Police Captain Francis Depasucat, hepe sang Bacolod City Police Office 1, ginguba sang mga suspek ang lock sang kiosk kag ginkuha ang kitchen utensils kag monoblock nga nahamtang sa sulod.
Ini ang nakit-an sang personnel sang Public Order and Safety Office (POSO).
Nagpromisa naman ang isa sa mga suspek nga igabalik sini ang kagamitan nga ila ginpangkawat.
Nagapadayon ang imbestigasyon sang BCPO 1 nahanungod sa insidente agud mahibaluan kun diin ginbaligya sang mga suspek ang mga gamit kag para ma-recover na ang mga ini.