20 kada kilo nga bugas igabaligya sa Capitol Lagoon kadungan sa kaadlawan ni PBBM
NEGROS OCCIDENTAL- Natalana nga magabaligya ang Office of the President kag Department of Agriculture sang tag-₱20 kada kilo sang bugas sa Capitol Lagoon kadungan sa kaadlawan ni President Ferdinand “Bongbong” Marcos Jr. bwas nga adlaw, Setyembre 13.
Ginpahayag ni Department of Agriculture- Negros Island Regional Director Albert Barrogo, ang pagbaligya sang tag ₱20 kada kilo sang bugas ang kadungan sa pagpatigayon sang Handog ng Pangulo Program.
Ginhatag sang Food Terminal Incorporated ang 300 ka sako ukon 15,000 ka kilo sang bugas agod igabaligya para sa tanan nga may dala sang ID.
Magluwas sa pagbaligya sang amo nga bugas, magabaton man ang mga farm cooperatives sa probinsya sang Negros Occidental sang ₱120 million nga balor sang mga farm machinery and facilities.
Photos from DA-NIR