Ginklaro sang Bureau of Fire Protection – Bacolod City Fire Station nga wala nagdumili ang Megaworld sa mga firetrucks nga magsulod sa ila propedad kag sa baylo, gintugutan ang mga ini nga mag-access kag magposisyon sa sulod sang propyedad agud mas epektibo nga mapalong ang kalayo.
Ini ang sandig sa statement nga ginpagwa sang BFP kasunod sang nagluntad nga sunog pasado las-12 kaina sang kaagahon Setyembre 12 sa Barangay 27
Pahayag sang BFP, na-apresyar sini ang kooperasyon kag kayo sang Megaworld nga nangin daku nga bulig kasunod sang pag-responde sang mga otoridad kag pag-amlig sa kabuhi kag propedad.
Nagpasalig man ang mga ini nga magapabilin nga komitido sa ila mandatu nga amligan ang komunidad pinaagi sa padayun nga pagkoordinar sa mga stakeholders agud mapahilayo, malikawan kag mag-responde sa tion sang emerhensya.