Nagresulta sang liwat nga pagtapan sang Ibid Creek nga nahamtang sa Sitio Tamburong, Barangay Biaknabato sa banwa sang La Castellana ang pagdulhog sang balas kag bato tuga sang pag-ulan kahapon nga adlaw, September 11.
Ginpahayag ni Remuel Lajo, incident commander sang La Castellana Incident Management Team (IMT), liwat nga nagtapan ang duta sang creek bangod nagdulhog ang bato kag balas nagikan sa ibabaw sang Bulkan Kanlaon kag pag-ilig sang mga nakalkal na nga daan.
Nagahingyo naman si Lajo nga madasig nga paghakot sang mga volcanic sediments agud itampok sa Mount Kanlaon Nature Park compound agod indi ini magbalik sa creek kun may yara sang pag-ulan.
Ginpakamaayo ni Lajo nga wala nag-awas ang tubig sa creek bangod sa amo insidente.
Sa karun, liwat nga ginpadayon ang operasyon sa creek kag nagahingyo ang incident commander sang dugang nga equipment sa pagkalkal kag paghakot sang sediment, kag pagpanawagan sang bulig nagikan sa Department of Public Works and Highways.
Dugang pa ni Lajo, magahingyo man sila sa Department of Environment and Natural Resources kag Protected Area Management Board kun possible makuha or matapas ang kahoy nga nahamtang sa Ibid Creek.
Photo form Remuel Lajo