Nagdangat sa kapin P4.5 million ang nangin kahalitan sang sunog sa Barangay 27, Bacolod City pasado las-12 kaina sang kaagahon suno sa Bacolod Bureau of Fire Protection (BFP).
Base sa report sang BFP, 180 ka mga panimalay ang totally damaged samtang 36 naman ang partially damaged.
Sa kabilugan, 250 ka mga pamilya ukon 800 ka mga indibidwal ang apektado.
Sa interview kay Bacolod City Fire Marshall Supt. Jenny Mae Masip, ginpahayag sini nga pulo ka mga panimalay na ang nasunog antis nag-abot ang first responder kag madasig lang nga naglapta ang kalayo bangud sang huyop sang hangin kag bangud nga human sa lighy materials ang nasambit nga nga panimalay.
Nahibaluan nga naglawig sa tatlo ka oras ang sunog antis ini napalong sang BFP. Samtang, las-5 naman sang aga sang nag-umpisa ang mapping operation.
Suno sa pila ka mga residente, halos wala na sang may nabilin sa ila nga mga kagamitan apang nagapanindugan pa ang mga ini nga diri man sila sa gihapin liwat matukod sang balay bangud ari diri ang ila palangabuhian.
Sa pihak nga bahin, temporaryo naman nga ginbutang ang mga residente sa Mabini Elementary School.
Photo from Reynan Larida