Gin-aprubahan na sang city council ang masobra ₱14 million nga subsidy para sa mga barangay kag eskwelahan nga magapakigbahin sa Masskara Festival.
Suno kay Councilor Jason Villarosa, chairperson sang Committee on Tourism and Local, National and International Cooperation, ginsiling sini nga nga ang mga barangay nga makigbahin sa street and arena dance competition ang magabaton sang ₱750,000 nga subsidy.
Ang mga eskwelahan nga makigbahin sa school category magabaton sang ₱500,000 nga subsidy kag ₱300,000 naman sa Electric Masskara.
Suno kay Villarosa, 11-12 ka barangay ang makigbahin sa Electric Masskara samtang pito naman ka districts ang sa school category.
Samtang sa street and arena dance competition makigbahin ang Barangays 6, 7, 11, 13, 21, 29, 39, Bata, Handumanan kag Tangub.