Tubtob sa duha ka semana ang ginpahanugutan sang City Disaster Risk Reduction and Management Office (CDRRMO) para sa temporaryo nga pagtiner sang mga evacuees sa evacuation center.
Ini suno kay CDRRMO head, Dr. Anna Maria Laarni Pornan gani, amo man ini ang posible nga itiner sa Apolinario Mabini Elementary School sang mga nasunugan sa Brgy. 27, Bacolod City.
Suno kay Dr. Pornan, matapos ang duha ka semana, kon luyag sang mga evacuees mahimo magsaylo ang mga ini sa evacuation center sa Brgy. Vista Alegre nga preparado naman kag sa Brgy. Taculing.
Ang CDRRMO ang naghatag naman sang food packs, hygiene kits, tents kag water containers sa mga nasunugan. Nagahatag man sang iban nga logistical support ang CDRRMO sa mga nasunugan.
As of 4 PM sini nga Setyembre 12, yara sa 314 families kag 964 individuals ang apektado sang sunog. Nagdangat sa 232 totally damaged houses samtang duha naman ang partial nga nahalitan.
Umpisa kaina, ginpaidalom man sa modular learning ang mga estudyante sa Apolinario Mabini Elementary School bangud ginhimo