Ginbawian sang kabuhi ang isa ka mangunguma matpaos nga ginluthang sang apat ka mga armado nga suspek sa Sitio Dinacupan, Barangay Lag-it, Tayasan, Negros Oriental alas- 3:20 sang kaagahon sang tinalikdan nga Setyembre 16, 2025.
Ginkilala ang biktima kay Ritchie Balasabas, 40-anyos, nga residente sang nasambit nga lugar.
Suno inisyal nga imbestigasyon sang Tayasan Municipal Police Station (MPS), ginluthang sang apat ka mga wala pa nakilala-an nga armado ang biktima nga nagresulta sa iya kamatayon.
Gilayon naman nga nagpalagyo ang mga suspek sa wala nahibaluan nga direksyon matapos nga ginobra ang krimen.
Sa karon, nagapadayon pa ang imbestigasyon sang Tayasan MPS agud makilala na ang mga suspek kag matumod ang motibo sa krimen.