Gindeport sang Bureau of Immigration (BI) sang Pilipinas kahapon nga adlaw, Setyembre 19, 2025 ang 91 sa 103 ka Chinese nationals matapos nga natukiban nga nagatrabaho ang mga ini sa unauthorized nga mga hub sang Philippine Offshore Gaming Operator (POGO).
Pinaagi sa pag-arrange sang Chinese embassy sa ila flight, napadasig ang pag-deport sa mga Chinese national.
Samtang, gin-offload ang 12 sa mga ini bangud may yara ang mga ini nga pending court cases kag legal incidents.
Suno kay BI Commissioner Joel Anthony Viado, ang pagdeport ang nagapakita sang malig-on nga panindugan batok sa illegal foreign workers.
“We remain steadfast in enforcing ooir immigration laws. Those who abuse their stay in the Philippines and engage in unlawful activities will be dealt with accordingly”, dugang pa ni Viado
Nagpasalig naman ang BI nga magapadayon ini nga magakoordinar sa nagapatuman sang kasuguan kag concerned agencies agud i-implementar ang direktiba sang administrasyon batok sa ilegal nga aktibidad sang POGO.
[Photo from Bureau of Immigration/Facebook]