PROVINCIAL CAPITOL – Na-finalize na ang clustering of precincts para sa Barangay and Sangguniang Kabataan Elections (BSKE) sa Negros Island Region.
Ginpahayag ni Atty. Lionel Marco Castillano, Regional Election Director sang Commission on Elections Negros Island Region, nga ila na lamang paaprubahan sa Election in Barangay Affairs Department sang Comelec ang clustering of precincts sa rehiyon.
Ginpabutyag ni Castillano nga padayon ang ila preparasyon para sa paghiwat sang BSKE samtang ila ginahulat ang desisyon sang Supreme Court sa petisyon nga nagapa-deklarar nga unconstitutional ang Republic Act No. 12232, nga naga-set sang term of office sang barangay kag SK officials.
Nahibaluan nga kun mag-issue sang temporary restraining order ang Korte Suprema, madayon ang eleksyon kag maga-file na sang certificate of candidacy ang mga magapadalagan sa maabot nga Oktubre 1 tubtob 7.
Nalakip sa prepasyon sang Comelec ang procurement sang election paraphernalia kaangay sang balota kag ballot boxes base sa kadamuon sang mga clustered precincts.