Suportado ni Bacolod City lone district congressman Albee Benitez ang liderato ni Isabela 6th District Congressman Faustino “Bojie” Dy III bilang bag-o nga House Speaker sang 20th Congress.
Sa exclusive interview sang DYHB kay Benitez, ginpahayag sini nga nagasanto ang iya panindugan sa kun ano ang nangin pahayag ni Dy sa iya nga speech.
Ina amo ang mabalik ang pagsalig sang publiko sa konggreso.
Dugang pa ni Benitez nga antis pa man na-elect si Dy, ginpasalig siya sini nga may mangin “change” sa pagmalakad sa Congress kag iya man pagatutukan ang liwat nga pagkuha sang suporta kag salig sang mga Pilipino.
Ini man ang nangin rason kun ngaa nag-upod sila ni Negros Occidental 3rd District Congressman Javi Benitez sa pagboto kay House Speaker Dy.
Pahayag ni Benitez “Let’s give him thr chance to do the walk, hulton ta kun tumanon niya.”
Paathag pa ni Benitez nga wala na siya nag-ambit pa sa posisyon bangud iya man nakita nga majority sa maga konggresista ang pabor kay Cong Bojie rason man nga nag “give way” siya agud mangin tawhay lang ang election sa speakership.
Dugang pa sini nga nagaupod na siya sa majority leadership sang kamara kag indi na sa independent block.
Sa bahin naman sang committee chairmanship kag deputy speakership, gina-istoryahan na ini sa subong apang ila mas gina-prioritize ang budget process.