Sektor sang transportasyon naka avail na sa programa sang gobyerno nga 20 pesos kada kilo nga bugas
Nalakip na ang sektor sang transportasyon sa mga benepisyaryo nga maka-avail sa programa sang gobyerno nga ₱20 kada kilo nga bugas.
Suno kay Department of Agriculture (DA) Secretary Francisco Tiu Laurel Jr., ang ₱20 kada kilo nga bugas para sa amo nga sektor ang una nga gin-roll out sa ciudad sang Navotas, Cebu, Tagum, kag Angeles kun diin yara 57,000 ka mga benepisyaryo.
Ginpahayag ni Laurel nga ginaekspektar nga magataas pa ang amo nga numero depende sa datos gikan sa Department of Transportation (DOTr).
Dugang pa sini, maga-expand ang DA sa iban nga mga lugar kag grupo kada semana kun diin ginatarget mga malab-ot ang 15 million ka mga household ukon 60 million ka mga Pilipino sini nga tuig kag magsustenir tubtob Hunyo 2028.
[Photo from Department of Agriculture/Facebook]