Trillion Peso March Against Corruption patigayunon sini nga domingo sa Bacolod
Natalana patigayunon sa ciudad sang Bacolod ang multiu-sectoral People’s Indignation Rally ukon gintawag bilang “A Trillion March, Mahiya Kayo! Ikulong na!” sa maabot nga Domingo, Setyembre 21.
Ang nasambit nga hilikuton ang pagapangunahan sang One Negros Ecumenical Council (ONE-C) nga maga-umpisa sa South Capitol Road kag magapanglakaton padulong sa City Hall Replica sa Bacolod Public Plaza para sa isa ka Indignation Rally rally.
Ini ang magasugod las-12:30 sang udto nga ginaluman pagatambungan sang nagakalain-lain nga sector kaupod ang pila ka mga katapo sang simbahang katolika.
Lakip man sa magapakigbahin ang grupo sang Bagong Alyansang Makabayàn, Paghimud-os Negros, Kabataan, Bacolod Federation of Urban Poor ( Fed-Up), Council of Concern Citizens kag pila pa ka mga Negrense.
Sa pihak sini, ginklaro ni Rev. Fr. Arman Onion nga nagaserbe bilang Negros Occidental, ONE-C Provincial Coordinator nga indi pro-Duterte ukon pro-Marcos ang nasambit nga rally kundi pagtipon sang pumuluyo kag panawagan kag pagpakita sang people power.
Suno kay Fr. Arman, wala ini sang may kaangtanan sa kun ano man nga partido ukon sa politiko kundi panawagan sang publiko sa kamatuuran.