Arestado ang duha ka mga indibidwal sa ginpatigayon nga drug-buy-bust operation sa Purok Kagaykay, Barangay 2, ciudad sang Bacolod sini nga alas-7:45 sang gab-i, Setyembre 21, 2025.
Ang mga suspek ang ginkilala kay Niel Sitjar Jr., 41-anyos, BADAC listed, kag ginakabig High Value Individual (HVI) nga residente sang nasambit nga barangay kag si Charlie Boy Cardinal, 39-anyos, kag residente sang Brgy. Taloc, Bago City.
Nakuhaan ang mga ini sang ginabulubanta 50 gramos sang ginaalegar shabu nga may standard drug price nga P340,000 kag armas-luthang nga .45 caliber nga loaded sang pito ka bala kun diin nabayolar sang mga ini ang RA 9165 kag RA 10591.