BACOLOD CITY-Dakop sa drug buy bust operation ang isa ka lalaki nga nagrenta sa gina-alegar ginsuguran sang sunog sa Barangay 27 sa ciudad sang Bacolod sang tinalikdan nga Setyembre 12.
Ang suspek ang ginkilala nga si alias “Fritz”, kag sa karun residente sang Barangay 30.
Ginpahayag ni Police Lieutenant Adrian Mananquil, Deputy sang Police Station Station 6, nadakpan ang suspek sa ginpatigayon nga drug buy bust operation sa Purok Pilipinhon, Barangay 30, pasado las-4 sang Domingo sang hapon, Setyembre 21.
Nahibaluan si Fritz ang yara sa listahan sang Barangay Anti-Drug Abuse Council (BADAC).
Natigayon nga narekober sa suspek ang duha ka gramo sang ginapatihan shabu nga nagabalor ₱13,600.
Preso sa karun si Fritz sa Police Station 6 kag magapangatubang sang kaso nga paglapas sa Republic Act 9165 ukon Comprehensive of Dangerous Drugs Act of 2002.