BACOLOD CITY- Magapangatubang sang kaso nga murder ang suspek sa pagpamuno sa Purok Sagrado Barangay Estefania, Domingo sang aga, Setyembre 21.
Ang biktima ang ginkilala nga si Jisson Villegas, 31-anyos, construction worker; samtang ang suspek amo si Hermogenes Rico nga pareho residente sa amo nga lugar.
Ginpahayag ni Police Lieutenant Annabellee Abalayan, Deputy sang Police Station 4, natigayon nga maaresto ang suspek pinaagi sa hot pursuit operation sang kapulisan, kag maswerte nga naabtan pa ini nga yara sa ila nga puluy-an.
Sa inisyal nga imbestigasyon, samtang naga-inom sang makahulubog nga ilimnon si Villegas sa iya nga balay, hinali ini nga gintawag ni Rico kag gilayon nga ginbuno sang makapila ka beses nga gintunaan sa kamatayon sang biktima.
Possible nga daan nga hiligut-anon ang motibo sa krimen bangod nga sadto nag-atubangay na sanday Villegas kag Rico sa barangay.
Gina-alegar man sang suspek, ini ang ginpahog ni Villegas nga siya ang pagapatyon.