Arestado ang isa ka 29-anyos nga lalaki nga matapos gina-alegar nagakuha sang litrato examination papers sang ginpatigayon nga Licensure Examination for Teachers (LET) kahapon, Setyembre 21 sa Davao City.
Nahibaluan nga ang lalaki ang nagserbe bilang watcher sang LET kag isa ka accredited PRC Watcher.
Kasunod sini, nagfile sang complaint ang Professional Regulation Commission Davao kag nagpakig-angut sa National Bureau of Investigation agud maglunsar sang operasyon.
Ginpahayag naman ni Vicente Minguiz, Investigation Agent VI sa NBI, nga duha ka administrative case ang atubangon sang suspek may angut sa paglapas sa PRC Modernization Act (RA 8981).