Nagnubo sang 45.9 porsyento ang kaso sang Dengue Fever sa ciudad sang Bacolod humalin Enero tubtob September 13 sini nga 2025 kumparar sang nagligad nga tuig.
Ini ang base sa pinakaulihi nga datos nga ginpagwa sang City Health Office (CHO).
Sa nasambit nga datos, yara sa 840 ang kaso sang Dengue Fever sa ciudad nga may anom ka probable death sini nga tuig kumparar sang 2024 nga 1,152 ang na-record sang CHO kun diin apat sa mga ini ang nagtaliwan.
Sa pinakaulihi nga update sang CHO, nagapanguna sagihapon ang Barangay Mansilingan nga may pinakamataas nga kaso kun diin naglab-ot ini sa 87.
Ginsundan sang Barangay Taculing nga may 66; Estefania 53; Tangub 52; Vista Alegre 51; Alijis 46; Villamonte 45; Mandalagan kag Sum-ag 41; kag Singcang 37.
Sa nasambit nga numero sang kaso, 302 sa mga ini ang mga babayi nga nalakip sa pedia cases kag 299 naman ang mga lalaki.