Magasaka sang anom ka pilo ang koleksyon sa digital tax sa masunod nga tuig suno kay Sultan Kudarat 2nd District Representative Bella Suansing. Sa ginpatigayon nga hearing sa proposed budget sang Department of Finance (DOF), ginpahayag ni Suansing nga ginaekspektar nga magalab-ot sa P21.37 billion ang digital tax sa 2026 halin sa P3.62 billion sini nga tuig. Si Suansing ang isa sa nga nagsakdag sa planned budget sang DOF sa 2026 kag iya man gindepensahan ang value added tax (VAT) sa digital services. Suno kay Suansing, may yara na sang indi patas nga bentaha sa mga foreign digital services providers kumparar sa local counterparts bag-o pa man ang implementasyon sang VAT sa digital services. Kun madumduman, ginpatuman ang 12 percent VAT sa digital services nga ginahatag sang mga forign companies lakip na ang media, music, video, kag digital advertising.
