Tagsa-tuig, ang mga manug lubong halin sa nagkalain-lain nga pungsod ang nagatipon sa Hungary agud magpa indis-indis sa International Grave Digging Championship. Kada tuig, halin sang 2016, magluwas lang sang 2020 kag 2021, ang Hungary’s Association of Cemetery Operators and Maintainers (MTFE) ang naga-imbitar sang mga manoglubong halin sa bug-os nga kalibutan nga magkadto sa nasambit nga pungsod sa Europa para sa titulo nga World Grave Digging Champions.
Nagatrabaho sila nga tig-duha sa team, kag gina-judge diri ang ila abilidad pinaagi sa pagkutkot sang lulubngan nga 2 metros ang kalabaon kag, 80 sentimetros ang kalaparon, kag 1.6 metros ang kadalum, ina sa sulod lang sang duha ka oras.
Pagkatapos nila hukay sang duta, ila man ini liwat igabalik sa buho agud mag-ubra sang mahipid nga burial mound.
“Si László Kiss kag Robert Nagy amo ang nagdaog sa isa ka oras, 33 minutos, kag 20 segundos, kag naprotektahan nila ang ila una nga puwesto halin sang nagligad nga tuig.
Ang katuyuan sang International Grave Digging Championship amo ang pagpasaka sang dungog sang profession sang manoglubong, pag engganyo sang kabataan sa amo nga obra, kag pagpakita sang ila abilidad.
