Magabulig ang Philippine National Police (PNP) kag Armed Forces of the Philippines (AFP) sa pag-imbestigar sang mga anomalya sa flood control projects sa pungsod.
Suno kay PCol. Joeresty Coronica, Director sang Bacolod City Police Office (BCPO), naghatag sang task ang higher quarters sang PNP nga magpatigayon ang mga kapulisan sang inspection investigation sa flood control projects kapuod ang AFP.
Dugang pa sini, may yara siyam ka tikang sa pagpatigayon sang imbestigasyon base sa direktiba kag ang una nga anom ka tikang ang pagahimuon sang PNP kag AFP.
Ginpahayag ni Coronica nga ang una nga tikang nga pagahimuon amo ang pag-inspek sa mga flood control agud mahibaluan kun naga-exist ang mga ini ukon ghost projects kag ang ikaduha, amo ang pagtsekar sang estado sang mga flood control kun natapos kag pag-note sang mga defects.
Suno pa kay Coronica, ang kalabanan sa ila mga tikang amo ang pagkuha sang litrato sa mga flood control kag pag-validate sang pag-exist sang mga proyekto.
Kun madumduman, naghingyo sang bulig ang Department of Public Works and Highways (DPWH) sa Department of the Interior and Local Government (DILG) and the Department of National Defense (DND) sa pag-imbestigar sa flood control projects.