Ginkumpirmar ni Department of Justice Secretary Jesus Crispin Remulla nga nagrekomendar aang National Bureau of Investigation sang pagpasaka sang kaso sa mga indibidwal nga ginbuyagyag ni anay DPWH Undersecretary Roberto Bernardo may angut sa mga anomaliya kag gina-alegar pagbaton snag kickback sang pila ka mga opisyales sa mga flood control projects sang ahensya.
Ini ang ginalakipan sanday Senator Chiz Escudero, anay senador kag karon Makati City Mayor Nancy Binay, anay senador Bong Revilla, Ako Bicol Partylist Rep. Zaldy Co kag ang anay House Speaker sang Kamara nga si Leyte 1st District Rep. Martin Romuladez.
Pahayag sang Justice Secretary, wala ini sang pagasantuhon kag ginpahayag nga kaso nga malversation and indirect bribery ang ginarekomendar sang NBI.
Sa pihak nga bahin, ginkumpirmar man ni Remulla nga nagapatigayon sa karon sang tracking ang ahensya matapos sang report nga gina-alegar wala na sa United States si Ako Bicol Partylist Rep. Zaldy Co.
Suno kay Remulla, may nakalab-ot nga boarding pass kag flight details nga nakalab-ot sa ila may angut kay Co apang ini ang ila pa sa karon nga gina-validate.
Madumduman nga una na nga gin-request sang DOJ ang ‘Immigration Lookout Bulletin Order’ para sa kongresista matapos nga nagpadulong ini sa Amerika bangud sang medical condition.