Tamburong Bridge sa La Castellana iga redesign sang DPWH
PROVINCIAL CAPITOL – Iga-redesign sang Department of Public Works and Highways (DPWH) ang Tamburong Bridge sa Barangay Biaknabato, La Castellana kasunod sang pagsupot sang lahar sediments gikan sa Bulkan Kanlaon.
Ini ang nahisayran ni Governor Eugenio Jose Lacson matapos nakig-istorya sa mga tiglawas sang DPWH nga nagtambong sa ika-65 nga Mount Kanlaon Natural Park Protected Area Management Board En Banc Meeting sa Provincial Capitol, Huwebes sang aga.
Ginpahayag sang gobernador nga may tamburong sa idalom sang taytay kag suno sa PHIVOLCS, indi na ini applicable kasunod sang pagsupot sang lahar gikan sa bulkan nga gin-anod sang tubig.
Suno kay Lacson, aminado man ang DPWH nga kinahanglan man nila nga palaparon ang idalom sang taytay kag ilisan ang tamburong.
Apang aminado ang gobernador nga wala pa sang budget ang DPWH para sa amo nga proyekto sa karon apang nagalaum ini nga mapunduhan ang Tamburong Bridge sa madason nga tuig.