WORLD NEWS- Nautas ang kabuhi sang apat ka tawo matapos ang pagpangluthang kag hungod nga pagsunog sa Mormon church nga nahamtang sa Michigan. Base sa mga opisyal, nagluntad ang pagpang-atake sa Church of Jesus Christ of Latter-day Saints samtang ginaptigayon ang Sunday service nga ginatambungan sang ginatos ka mga tawo. Ang suspek ang ginkilala nga si Thomas Jacob Sanford, 40-anyos, sang Burton, Michigan, kag ini ang ginbawian sang kabuhi matapos gintiro sang kapulisan sa parking area sang simbahan. Sa karun padayon ang imbestigasyon sang awtoridad angot sa motibo sang amo nga krimen.
