Ginpatigayon ang installation kay Sir Edson A. Flores bilang panibag o nga Principal sang Negros Occidental National Agro – Industrial School of Home Industries (NONAISHI) sa banwa sang Hinigaran, sini nga adlaw, Setyembre 29, 2025.
Kadungan sini, ginpatigayon man ang inauguration sang Teen Center sang nasambit nga eskwelahan nga ginakabig bilang pinakauna sa banwa kag sa probinsya sang Negros Occidental.
Ang Teen Center ang may nagkalainlain nga mga pasilidad nga maga-akomodar sa mga estudyante ilabi na sa mga kabataan nga ‘at risks of dropping out’ kag mga non – readers.
Nagtambong sa kahiwatan nanday Provincial Board Member – Hadji Trojillo, Vice Mayor Jose Nadie Arceo kag mga miembro sang Sangguniang Bayan sang Hinigaran kaupod ang mga Punong Barangay malapit sa buluthuan.
Dugang pa diri nanday PSDS sg Hinigaran 2, Rogel Verdeprado; kag Ma’am Ma. Riza Canapit nga PSDS sang Binalbagan 1 kaupod ang mga principals sang nagkalain-lain nga eskwelahan.
Nagserbe bilang inducting officer si SDO of Negros Occidental OIC- ASDS, Dr. Julito Felicano.
Nahibaluan nga ang natukod nga Teen Center ang bunga sang paglaum sa pagpanguna ni Ma’am Leonila Malino bilang DORP coordinator kaupod sanday Mam Rola Faye Malino kag Dave Estocado nga nangin proponent may angut sa suhestiyon sang ila former principal nga si Sir Allan Pomada.
Ini ang ginsuportahan sang mga opisyales sang banwa, mga kapitan, alumni, Quidan Kaisahan kag sang iban pa nga mga stakeholders.
Ginpahayag naman ni Vice Mayor Jose Nadie Arceo, nga paagi sa nasambit nga proyekto, ini ang ginalantaw iga-duplicate sa iban pa nga mga eskwelahan sa banwa sang Hinigaran.
[Photos from Sir Allan Pomada]