Ginatutukan sa karon sang Council for Concerned Citizen (C3) ang mga flood control projects sa ciudad nga delay na natapos.
Sa interview sang DYHB kay Atty.
Ceasar Beloria, ginpahayag sini nga padayon ang ila paglibot sa mga nahamtangan sang flood control kag drainage projects sa ciudad.
Lakip na sa ila gin-check amo ang narumpag nga pika-pika sa barangay 40, Bacolod City sadtong pagbubo sang makusog nga ulan.
Nakita sa assessment sang grupo nga Substandard ang gin-ubra nga pika-pika sa barangay 40, nakita nga stone masonry lang ini kag wala sang kabilya.
Kaupod sang C3 sa ila nagapadayon nga joint inspection amo ang grupo sang mga engineers kag observers gikan sa City Mayor and Congressman’s office.
Sa karon, ila pa padayon nga ginausisa ang mga unfinished projects sa barangay Singcang kag sa Pahanocoy nga April 2025 pa dapat ang date of completion.
Palamangkutanon karon kay Atty. Beloria, nga kun gintagaan sang extension ang ini nga mga proyekto, bala ginasukot sila sang DPWH sang delays bangud nga lima ka bulan na late ang completion sini?