Ini ang kabahin sang pahayag ni House Speaker Bojie Dy matapos nagresign ni Ako Bicol representative Zaldy Co, sini nga adlaw, Setyembre 29.
Suno kay Dy, nadulaan na sang karapatan kag jurisdiction ang Ethics Committee sang House of Representatives kay Co.
Pahayag ni Bojie Dy, papanaugan pa kuntani sang suspension si Zaldy Co kag kun indi pa magkooperar, ini ang iga-expelled apang indi na mapatuman bangud mismo si Co ang nagbuya sa pwesto.
Bangud sini, ginpahayag sang House Speaker nga ginatugyan na sini sa Department of Justice kag Independent Commission for Infrastructure (ICI) ang proseso may angut sa Kongresista.
Sa pihak sini, ginpahayag sang House Speaker nga kinahanglan atubangon ni Co ang mga alegasyon batok sa iya sa mga isyu sang anomaliya sa mga flood control projects.