Ang video nga paghaksanay sang duha ka mga bayawak nga naglapta sa social media ang indi bangud sang pagpalanggaanay sang mga ini, ginpaathag sang mga Biologist nga mas may madalom pa nga istorya sa nasambit nga gesture sang duha ka mga sapat.
Ang nasambit nga video ang nakuhaan ni Charlie Jagonos sa Miag-ao Iloilo.
Suno sa Biologist nga si Kim Alunan, pareho nga lalaki ang duha ka bayawak ukon ang Western Visayas Monitor Lizard (Varanus Nuchalis).
Ini ang makibig nga endemic nga sahi sang bayawak sa pungsod sa diin ini ang makita lamang sa Apo, Cebu, Ticao, Negros, Panay, Masbate, Sibuyan kag Tablas.
Ang nasambit nga paghaksanay sang mga ini ang inaway gali sa dominasyon sang manggad kag teritoryo.
Suno sa uploader, naglab-ot sang isa ka oras ang haksanay sang mga bayawak
Ang ini nga specie sang bayawak ang nakalista bilang Other Threatened Species (OTS) sa idalom sang DENR Administrative Order 2019-09 nga yara sa “least concern” (LC) sa idalom sang IUCN Red List of Threatened Species.