PROVINCIAL CAPITOL – Wala sang patigayunon nga pag-file sang certificate of candidacy (COC) sang mga magapapili sa Barangay and Sangguniang Kabataan Elections sa maabot nga Oktubre 1 tubtob 7, 2025.
Ini bangud makabig na nga “moot” ang Comelec Resolution nga nagasaad sang Schedule of Activities para sa BSKE nga una gintalana sa Disyembre 1, 2025 matapos nga napasar na ang Republic Act 12232 ukon “An Act Setting the Term of Office of Barangay Officials and Members of the Sangguniang Kabataan”.
Bilang epekto, ma-postpone ang piniliay sa Disyembre kag sa baylo, hiwaton ini sa Nobyembre 2026.
Ginpahayag ni Atty. Lionel Marco Castillano, Regional Election Director sang Commission on Elections Negros Island Region, nga magatuman ang poll boy sa RA 12232 bangud nagapabilin ini nga valid samtang wala sang temporary restraining order nga gin-issue ang Korte Suprema kag wala man sang desisyon nga nagadeklarar sini nga unconstitutional.
Sa pihak nga wala sang COC filing sa una nga semana sang Oktubre, ginpahayag ni Castillano nga magapadayon ang ila preparasyon para sa BSKE.