Nagdeploy ang Bureau of Fire Protection- Negros Island Region (BFP-NIR) sang 20 ka mga personnel sa Bogo City, Cebu- isa sa mga pinaka-apektado sa nagluntad magnitude 6.9 nga linog.
Ang BFP-NIR ang nagpalab-ot sang bulig pinaagi sang humanitarian assistance kag disaster response operation sa SM Cares Village, Barangay Pulambato sa amo nga ciudad.
Sa 20 ka mga ginpadala nga personnel, apat diri ang nagikan sa ciudad sang Bacolod, kun sa diin ini ang nagapakita sang bug-os nga supporta sa nationwide rescue and relief operation sa mga nagakinahanglan sa amo nga kalamidad.